Gürcüstan, Tbilisi, 13 oktyabr /Trend, müxbir N.Kirsxaliya/
Azərbaycan gürcü şərabının idxalçıları siyahısında altıncı yeri tutur. Gürcüstan İqtisadi İnkişaf Nazirliyindən Trend-ə verilən məlumata görə, 2010-cu ilin yanvar-avqust aylarında Gürcüstandan Azərbaycana 555,1 min dollar məbləğində 149 ton gürcü şərabı ixrac olunub.
Bu dövr ərzində Gürcüstan dünyanın 37 ölkəsinə 23 143,4 min dollar məbləğində 7 329,9 ton şərab ixrac edib.
Şərab ixracının böyük həcmi Ukraynanın payına düşür: bu dövr ərzində 11 948,6 min dollar məbləğində 3 948,6 ton şərab ixrac olunub. Gürcü şərabının həcminə görə ikinci yerdə Qazaxıstan dayanır: bu ölkəyə 3 513,6 min dollar məbləğində 984,2 ton şərab ixrac olunub. Üçüncü yeri 2 237,5 min dollar məbləğində 637,7 ton gürcü şərabının ixrac olunduğu Belarus tutur.
Bu ilin səkkiz ayı ərzində Polşaya 1 061,9 min dollar məbləğində 335 ton şərab ixrac olunub. Daha sonra gürcü şərabı idxalçıları siyahısında Latviya - 284 ton (943 min dollar), Litva - 234 ton (775,5 min dollar), ABŞ -132,7 ton (530 min dollar), Moldova - 10 ton (362,4 min dollar) gəlir.
Birinci onluğu 327,8 min dollar məbləğində 79,2 ton şərabın ixrac olunduğu Almaniya tamamlayır.