Azərbaycan, Bakı, 23 oktyabr/Trend, müxbir E.İsmayılova/
Azərbaycan İqtisadi İnkişaf Nazirliyinin Sahibkarlığa Kömək Milli Fondu (SKMF) 2010-cu ilin üç rübü ərzində 81,037 milyon manat məbləğində 1016 layihəni maliyyələşdirib. Bu barədə fondun şənbə günü rəsmi mətbuatda dərc edilən balanslı sənədində göstərilib.
SKMF-in güzəştli kreditləri hesabına layihələrin həyata keçirilmsəi 3799 yeni iş yerinin yaradılmasına şərait yaradacaq.
Cari ilin üç rübü ərzində SKMF sənaye istehsalı və emalın müxtəlif sahələrində 16,501 milyon manat məbləğində 51 müxtəlif layihəni maliyyələşdirib. Kənd təsərrüfatı məhsullarının emalı sahəsində 9 layihənin həyata keçirilməsinə 3,51 milyon manat, kənd təsərrüfatı mallarının istehsalı sahəsində 941 layihəyə 38,349 milyon manat ayrılıb, turizm sahəsində 2,815 milyon manat məbləğində üç layihə maliyyələşdirilib, xidmətlər sahəsinin inkişafına 12 layihənin həyata keçirilməsinə 19,862 milyon manat xərclənib.
Fond 12,758 milyon manat məbləğində 971 kiçik kredit verib (kreditlərin ümumi sayının 95,6 faizi). Hesabat dövründə 150 min manat məbləğində (0,2 faiz) bir kredit (0,1 fazi), 11,236 milyon manat məbləğində (13,9 faiz) 19 böyük kredit (1,9 faiz) və 56,893 milyon manat məbləğində (70,2 faiz) 25 böyük kredit (2,5 faiz) verilib.
İlkin proqnozlara görə, 2010-cu ildə 115 milyon manat məbləğində, o cümlədən 44 milyon manat dövlət büdcəsinin vəsaitləri hesabına güzəştli kreditin veriləcəyi gözlənilir.
2010-cu ildə fondun maliyyələşdirilmə üçün prioritet istiqamətləri kənd təsərrüfatı, yüngül və ərzaq sənayesinin inkişafı seçilib.
2009-cu ildə SKMF səlahiyyətli kredit təşkilatları vasitəsilə 130 milyon manat məbləğində 2100-dən çox kredit verib. Beləliklə, ötən il 2008-ci illə müqayisədə SKMF-in vəsaitləri hesabına güzəştli kreditlər alan sahibkarların sayı 2,6 dəfə, kreditlərin həcmi isə 48 faiz artıb.
SKMF 1992-ci ildə yaradılıb. Sahibkarlara kreditlərin verilməsi səlahiyyətli banklar və bank olmayan kredit təşkilatları vasitəsilə həyata keçirilir. Onların ümumi sayı 36 təşkil edir.
Oktyabrın 23-nə rəsmi məzənnə 0,8012 AZN/USD təşkil edir.
