Azərbaycan, Bakı, 8 noyabr /Trend, müxbir E.İsmayılov/
Rusiyanın S7 Airlines aviaşirkətinin qış qrafikinə keçməsi ilə əlaqədar bazar ertəsi bir neçə Moskva (Domodedovo)-Bakı-Moskva (Domodedovo) aviareysi təxirə salınıb. Bu barədə "Azərbaycan Hava Yolları" (AZAL) QSC-dən deyiblər.
S7 3355 reysi ilə təyyarə Bakıda yerli vaxtla 16:35-də yerə enməli, saat 17:40-da isə uçmalıdır.
"Lakin qış qrafikinə keçməsi ilə əlaqədar S7 Airlines aviaşirkətinin reysləri əvvəlki kimi bazar ertəsi, çərşənbə və cümə günləri deyil, çərşənbə axşamı, cümə axşamı və şənbə günləri həyata keçiriləcək", - AZAL-ın məlumatında belə deyilir.
S7 Airlines uçuşların qış qrafikini oktyabrın 31-dən tətbiq edib. Cədvəl 2011-ci il martın 26-dək fəaliyyət göstərəcək.
