Özbəkistan, Daşkənd, 17 noyabr /Trend, müxbir D.Əzizov/
Özbəkistan 2010-cu ilin yanvar-sentyabr aylarında 23 trilyon 925,5 milyard sum məbləğində və ya 2009-cu ilin analoji dövrü ilə müqayisədə 8,3 faiz çox sənaye məhsulları istehsal edib. Bu barədə ölkənin Dövlət Statistika Komitəsi məlumat verib.
Komitənin məlumatına görə, sənaye məhsulları istehsalının ümumi həcmində yanacaq sahəsinin payı 19,5 faiz (2009-cu ilin yanvar-sentyabrında 21,2 faiz), maşınqayırma və metal emalı - 16,4 faiz (15,9 faiz), yüngül sənaye - 12,3 faiz (11,3 faiz), qida - 12,3 faiz (11,4 faiz), əlvan metallurgiya - 12 faiz (11,6 faiz), elektrik enerjisi - 8,6 faiz (8,9 faiz), kimya və neft-kimya - 5,1 faiz (5 faiz), tikinti materialları - 5 faiz (5,2 faiz), qara metallurgiya - 2,6 faiz (2,6 faiz), ağac emalı və sellüloz-kağız - 1 faiz (1,2 faiz) və digər sahələr 5,2 faiz (5,7 faiz) təşkil edib.
Özbəkistanda cari ilin əvvəlindən 38,5 milyard kilovat-saat elektrik enerjisi (ötən ilin analoji dövrü ilə müqayisədə artım 4,5 faiz), 13,1 milyon Gkal istilik enerjisi (azalma 1,8 faiz), 2,8 milyon ton neft və qaz-kondensat (azalma 18,7 faiz), 1,067 milyon ton benzin (azalma 11 faiz), 855,1 min ton dizel yanacağı (azalma 13,8 faiz), 272,5 min ton kerosin (azalma 9,2 faiz), 188,3 min ton maye qaz (artım 0,2 faiz), təbii qaz hasilatı 45,113 milyard kubmetr (azalma 2,9 faiz) təşkil edib.
Yanvar-sentyabr aylarında ölkədə 575,3 min ton polad (azalma 1,5 faiz) istehsal olunub.
Kimya və neft-kimya sahəsində sintetik ammonyak istehsalı 3,3 faiz, yəni 1,026 milyon tonadək, mineral gübrələr - 1,6 faiz (843,5 min tonadək), kükürd turşusu - 19,8 faiz (899,7 min ton), lif və kimyəvi saplar - 20,2 faiz (11,853 min tonadək), susuzlaşdırılmış soda 19,9 faiz (65,6 min tonadək) artıb. Bitkilərin mühafizəsi vasitələrinin buraxılışı 17,3 faiz, yəni 2,97 min tonadək azalıb.
Statistika Komitəsinin məlumatına görə, ilin doqquz ayı ərzində respublikanın müəssisələrində 160,8 min ədəd minik maşını (artım 11,2 faiz), 628 ədəd yük avtomobili (artım 34,8 faiz), 942 avtobus (azalma 6,3 faiz), 1,929 min traktor (artım 0,9 faiz), 12,7 min soyuducu və dondurucu (artım 0,7 faiz), 13,521 min kilometr kabel (artım 1,6 dəfə), 926 km məftil və radiotezlik kabelləri (artım 1,4 dəfə), rabitə sistemi üçün 67,6 min km kabel (artım 3,9 dəfə) istehsal olunub.
Tikinti materialları sahəsində sementin istehsalı 1,4 faiz - 5,274 milyon tona qədər, şiferin buraxılışı 30,7 faiz (243,2 milyon tonadək), yığma dəmir-beton tikinti - 20,4 faiz (65,8 min kubmetrədək) azalıb. 2 mm-lik pəncərə şüşəsinin istehsalı isə 37,7 faiz (5,599 milyon kvadratmetrədək) artıb.
Özbəkistanın yüngül sənaye müəssisələri pambıq lifinin istehsalını 4,5 faiz (726,3 min ton), trikotaj mallar - 56,2 faiz (37,5 milyon ədədədək), xalça və xalça məmulatları - 78,4 faiz (480,1 min kvadratmetrədək), xam ipək saplar - 3,2 dəfə (180,4 min tonadək), pambıq-kağız toqqalar - 37,1 faiz (143,5 min tonadək), trikotaj kətan parça istehsalını isə 85,7 faiz (15,335 min tonadək) artırıblar.
Statistika Komitəsindən verilən məlumata görə, yeyinti sənayesi ilin əvvəlindən 218,2 min şəkər tozu (artım 0,5 faiz), 131,2 min ton bitki yağı (artım 2,9 faiz), 832,6 min ton un (azalma 15,7 faiz) istehsal edib.
Yanvar-sentyabr aylarında həmçinin 6,846 milyon dekalitr araq və likör-araq məhsulları (1,5 faiz artım), 1,339 milyon dekalitr çaxır (azalma 8 faiz), 22 milyon dekalitr pivə (artım 20,3 faiz), 10,228 milyard ədəd siqaret və tütün (artım 10 faiz) istehsal olunub.
Məlumat verildiyi kimi, 2010-cu ildə hökumət 2009-cu illə müqayisədə 8,3 faiz həcmində sənaye istehsalı artımını təmin etməyi planlaşdırır.
