Azərbaycan, Bakı, 12 mart /Trend, müxbir Ü.İsmayılova/
Azərbaycanda 18 nömrəli üçmərtəbəli hotelin tikintisinə çəkilən xərc 181 300 manata başa gəlir. Bu rəqəmlər Əmlak Məsələləri Dövlət Komitəsi yanında dərc edilən analitik "Daşınmaz Əmlak" jurnalında göstərilib.
Belə hotelin ümumi sahəsi 566 kvadratmetr təşkil edir. Burada kafe, restoran, qəbul şöbəsi (resepşn), təsərrüfat otağı, mətbəx və s. yerləşir. Hotelin 14 nömrəsi ikinəfərlik, 4 nömrəsi üçnəfərlikdir. Birinci mərtəbədə 2 nömrə, 2-ci və 3-cü mərtəbələrinin hər birində 8 nömrə yerləşir. İkinəfərlik nömrələrin sahəsi 17,28 kvadratmetr, üçnəfərlik isə 21,24 kvadratmetr təşkil edir.
Hesablamalara əsasən, bu növ hotelin ümumi dəyərindən 110 min manatdan çoxunu dəmirbeton işlərinə, suvaq, kafel və metlaxın düzülməsi işinə çəkilən xərclər təşkil edir. Ümumilikdə xərclərin 59,5 faizi tikinti materiallarının alışına, 40,5 faiz işçilərin əməyinin ödənilməsinə düşür. Bu hesablamalara əsasən, mini hotelin tikintisinin hər bir kvadratmetri 320 manata başa gəlir.
Müqayisəli cədvəldə hotelin tikintisi üçün əsas xərclər göstərilib:
İşin adı |
Tikinti materiallarının xərci |
Əməkhaqqının ödənilməsi |
Cəmi |
Torpaq |
---- |
895 |
895 |
Dəmirbeton |
29 182 |
9 635 |
38 817 |
Tikinti və suvaq |
21 014 |
19 444 |
40 458 |
Dam |
5 410 |
4 778 |
10 188 |
Döşəmə və kafel |
17 443 |
12 087 |
29 530 |
Tavan |
3 788 |
3 396 |
7 184 |
Elektrik |
11 663 |
3 195 |
14 858 |
Santexnika |
5 206 |
3 118 |
8 324 |
Qapı-pəncərə |
9 602 |
1 501 |
11 103 |
Rəsmiləşdirmə |
4 612 |
15 331 |
7 382 |
Cəmi |
107 920 |
73 380 |
168 739 |
Belə mini hotelin təchizatına çəkilən xərclər 32 500 manat, isti su ilə təmin edilməsi 3 600 manatdan 15 000 manatadək təşkil edir.
Martın 12-nə olan rəsmi məzənnə 0,7933 AZN/USD təşkil edir.