Azərbaycan, Bakı, 18 aprel /Trend, müxbir H.Vəliyev/
Yanvar-martda Azərbaycanın metallurgiya sənayesi və hazır metal məmulatlarının istehsalı müəssisələri tərəfindən 60,2 milyon manat məbləğində məhsul istehsal edilib və xidmət göstərilib. Bu barədə bazar ertəsi Trend-ə Dövlət Statistika Komitəsinin məlumatında deyilir.
Yanvar-martda metallurgiya sənayesində istehsalın həcmi 2,1 dəfə artıb, hazır metal məmulatlarının istehsal həcmi isə 39 faiz azalıb.
Üç ayın yekunları üzrə 64,1 min ton tökmə polad istehsal edilib ki, bu da 2010-cu ilin analoji dövr göstəricisindən 2,6 dəfə çoxdur.
Armatur istehsalının həcmi 50,1 min ton təşkil edib ki, bu da 2010-cu ilin analoji dövr göstəricisindən 2 dəfə çoxdur.
Qara metallardan hazırlanan naqil və kanatların istehsal həcmi 76 ton təşkil edib. Bu, 2010-cu ilin analoji dövr göstəricisindən 8,8 faiz azdır.
Tökmə çuqun istehsalı 2010-cu ilin analoji dövrünə nisbətən 77,9 faiz azalaraq həcmi 64,7 ton olub.
Polad boru 19,7 min ton həcmində istehsal edilib ki, bu da 2010-cu ilin analoji dövr göstəricisindən 76,9 faiz çoxdur.
Qara metallardan hazırlanan yarımfabrikatların ixrac həcmi 2011-ci ilin yanvar-fevral aylarının yekunlarına əsasən 7,6 min tonu ötüb (4,5 milyon dollardan artıq məbləğdə) ki, bu da 2010-cu ilin müvafiq dövr göstəricisindən 49,3 faiz (pula çevirdikdə təxminən 23,3 faiz) azdır.
İki ayın yekunları üzrə qara metallardan hazırlanan boruların ixracı 11,7 min tonu ötüb ki, bu da 2010-cu ilin müvafiq dövr göstəricisindən 38,9 faiz çoxdur.
