...

Azərbaycan 2025-ci ilədək ÜDM-də turizmin payını üç faizə çatdırmağı planlaşdırır

Biznes və iqtisadiyyat xəbərləri Materials 30 Aprel 2011 14:03 (UTC +04:00)

Trend-i buradan izləyin

Azərbaycan, Bakı, 30 aprel /Trend, müxbir A.Axundov/

Azərbaycan İqtisadi İnkişaf Nazirliyi tərəfindən hazırlanan 2011-2025-ci illərdə Azərbaycanda iqtisadi inkişafın uzunmüddətli strategiyası ÜDM-də turizm xidmətlərinin xüsusi çəkisini 2009-cu ildəki 0,8 faizdən 2025-ci ilədək ən azı üç faizədək artırmağı nəzərdə tutur. 2010-cu ilin yekunları üzrə bu göstərici artıq bir faizə çatıb.

Bu barədə cümə günü nazirliyin strateji planlaşdırma şöbəsi rəhbərinin müavini İlkin Məcidov Bakıda keçirilən "Qloballaşma şəraitində sosial-iqtisadi inkişaf" mövzusunda Azərbaycan-Türkiyə əməkdaşlığı üzrə konfransda bildirib.

Bundan əlavə, nazirlik turizm və səyahətlər sahəsində rəqabətlilik indeksinin 2009-cu ildəki 3,84-dən 2025-ci ilədək 6-ya və daha çox, turizm və səyahətlər sahəsində biznes-mühiti və infrastruktur indeksini 3,19-dən 4,5-ə və daha çox, turizm və səyahətlər sahəsində insan, mədəniyyət və təbii resurslar indeksini 3,4-dən 4,5-ə qədər və daha çox artırmağı planlaşdırıır.

Bununla da dövlət ölkənin ödəniş qabiliyyətliliyini yaxşılaşdırmağı və xroniki çatışmazlığın müşahidə olunduğu xidmətlər üzrə xarici ticarət balansının strukturunu optimallaşdırmağı qarşısına məqsəd qoyub.

2009-cu ilin yekunları üzrə xidmət balansının kəsiri 1 milyon 612,6 min dollar, 2010-cu ildə isə 1732,9 milyon dollar təşkil edib.

Nazirlik qarşısına qoyduğu strateji məqsədlərə nail olmaq üçün ticarət və xidmət sektorunu zərurri prioritet seçməyi, produktiv xidmətlər sektorunun yaradılmasını, yeni xidmət bazarlarının açılışını (e-ticarət xidmətləri və başqaları), müvafiq infrastrukturun yaradılması yolu ilə turizm imkanlarının genişləndirilməsini, beynəlxalq yükdaşımalar üzrə nəqliyyat xidmətlərinin inkişafını, ÜDM-ə nisbətdə maliyyə xidmətlərini genişləndirilməsini vacib hesab edir.

Strategiya layihəsi Azərbaycan Prezidenti İlham Əliyevin 2009-2013-cü illərdə ölkə regionlarının sosial-iqtisadi inkişafı II Dövlət Proqramının yerinə yetirilməsinin birinci ilinin yekunlarına həsr olunmuş konfransdakı tapşırıq və göstərişləri əsasında hazırlanıb.

Xəbər lenti

Xəbər lenti