Azərbaycan, Bakı, 5 may /Trend, müxbir N.İsmayılova/
Aprel ayında Azərbaycanın vergi orqanlarında onlayn-ödənişlərin emalında ixtisaslaşan "Inrageous Payments Ltd" şirkətinin filialı dövlət qeydiyyatından keçib. Trend-in məlumatına görə, bu barədə cümə axşamı Vergilər Nazirliyinin saytında yerləşdirilən məlumatda deyilir.
Filial "Inrageous Payments Ltd" (Mavriki) tərəfindən təsis edilib. Şirkətin qanuni nümayəndəsi Rəhman Musayevdir. Təşkilat kommersiya fəaliyyəti üçün dövlət qeydiyyatından aprelin 18-də keçib.
"Inrageous Payments Ltd" real vaxt rejimində internet vasitəsilə ödənişlərə xidmət göstərir. Şirkət Mavriki dövlətində qeydiyyata alınıb. Şirkətin ödəniş infrastukturu PCI DSS və 3-D Secure-nin son mandatlarına cavab verir.
Hazırda Azərbaycanda onlayn-ödəniş xidmətlərini təmin edən ən iri provayder "GoldenPay" şirkətidir.