Azərbaycan, Bakı, 19 iyul /Trend, müxbir A.Axundov/
Azərbaycan Sığortaçılar Assosiasiyası (ASA) sentyabrın sonlarında Bakıda sığorta üzrə ikinci milli olimpiadanın keçirilməsinə dair təsisçilərin dünən keçirilən iclasının planını açıqlayıb. Trend-in məlumatına görə, bu barədə çərşənbə axşamı ASA-nın icraçı direktoru Azər Əliyev bildirib.
"Bu bir növ müsabiqədir, onun gedişində sığortaçıların akademik bilikləri yoxlanılacaq və məqsəd bu biliklərin inkişaf etdirilməsidir", - Əliyev deyib.
Onun sözlərinə görə, hələlik detallar razılaşdırılmayıb, lakin artıq olimpiadanın sentyabrın sonlarında keçiriləcəyi məlumdur.
Sığorta üzrə birinci milli olimpiada 2010-cu ilin sentyabrında keçirilib.
Hazırda Azərbaycanda 28 sığorta və bir təkrar sığorta şirkəti fəaliyyət göstərir.