Azərbaycan, Bakı, 3 oktyabr /Trend, müxbir A.Axundov/
Avqust ayında Bakının tikinti materialları bazarında qiymətlər iyul ayı ilə müqayisədə 0,68% ucuzlaşıb. Bu barədə bazar ertəsi Trend-ə "Əmlak Bazarı İştirakçıları" İctimai Birliyindən məlumat verilib.
İlin əvvəlinə nisbətdə qiymətlər 16,7%, ötən ilin müvafiq dövrü ilə müqayisədə isə 20,1% bahalaşıb.
Avqus ayında tikinti materiallarının ümumi həcmində yerli məhsulların payı 50,6% təşkil edib.
Qiymət indeksi ay ərzində 1.3 bənd azalaraq, iyulda 186.8 bənd olub.
Monitorinq 38 adda 88 növ tikinti materialları üzrə keçirilib.
Araşdırmalara əsasən, Azərbaycanın tikinti materialları bazarında mövsüm üçün xarakterik olan nisbi fəallıq müşahidə olunur. Araşdırmalar göstərir ki, fevral ayından başalayaraq müxtəlif materiallar üzrə qiymət artımı avqustda da davam edib.
Ağacın qiyməti avqust ayında 5,66% artıb, dikt və armaturun qiyməti isə müvafiq olaraq 4,7 və 2,5% azalıb. Digər materialların qiymətləri cüzi dəyişib və ya dəyişməz qalıb.
Oktyabrın 3-nə olan rəsmi məzənnə 0.7869 AZN/USD təşkil edir.
