Azərbaycan, Bakı, 13 oktyabr /Trend, müxbir E.İsmayılov/
Yanvar-sentyabrda "Azərbaycan Dəmir Yolları" QSC müxtəlif təyinatlı 16 milyon yük nəql edib. Trend-in məlumatına görə, bu barədə cümə axşamı jurnalistlərə QSC rəhbəri Arif Əsgərov deyib.
"İlin doqquz ayı ərzində daşınan yüklərin ümumi həcmindən səkkiz milyon ton neft və neft məhsullarının payına düşüb", - Əsgərov deyib.
Onun sözlərinə görə, hazırda Bakı-Tbilisi-Qars dəmiryol xəttinin yaradılması və Şimal-Cənub nəqliyyat dəhlizi çərçivəsində Rusiya, Azərbaycan və İranın dəmiryol sistemlərinin birləşdirilməsi kimi iri layihələr üzərində iş gedir.
Birinci layihənin həyata keçirilməsi ildə əlavə olaraq beş milyon ton yükün cəlb edilməsinə, ikincisi isə Avropa marşrutu ilə Rusiya, Azərbaycan və İran ərazisi vasitəsilə Hind okeanı regionu ölkələrinə ildə ən azı 15 milyon ton yük daşımağa imkan verəcək.
