Azərbaycan, Bakı, 5 noyabr/Trend, müxbir A. Axundov/
Azərbaycanda bərpa olunan enerji mənbələrinin inkişafı özəl sektorun, dövlətin və beynəlxalq təşkilatların iştirakı üçün geniş imkanlar təqdim edir. Bu barədə bazar ertəsi Trend-ə Dünya Bankının (DB) ölkə üzrə direktoru Səidə Bağırlı bildirib.
Azərbaycan hökuməti və DB ölkədə bərpa olunan enerji mənbələrinin inkişafı məqsədilə dialoqa başlayıblar.
"Biz yenicə bu sahəni nəzərdən keçirməyə başlamışıq. Hələlik xüsusi işləmələr yoxdur, buna görə də bu barədə danışmaq çox tezdir. Biz olduqca ciddi məsləhətləşmələr aparmalıyıq", - Bağırlı qeyd edib.
"Bu, prosesin bütün iştirakçıları (özəl sektor, dövlət və beynəlxalq təşkilatlar) üçün olduqca geniş imkandır. Hər şey təhlili nə qədər tez aparmağın mümkün olmasından, konkret səciyyəvi yolları necə tez müəyyənləşdirməkdən, hansı tərəfdaşların olacağından və s. asılıdır", - Bağırlı deyib.
