Gürcüstan, Tbilisi, 25 yanvar /Trend, müxbir N.Kirsxaliya/
2012-ci ilin yekunları üzrə Azərbaycan Gürcüstanın ticarət tərəfdaşları arasında ikinci yeri tutur. Trend-in məlumatına görə, bu barədə Gürcüstanın Statistika Xidmətindən bildirilib.
2012-ci ilin yanvar-dekabr ayları ərzində Azərbaycanla Gürcüstan arasında xarici ticarət dövriyyəsi 1 260 396,7 dollar təşkil edib ki, bu da Gürcüstanın bütün xarici ticarət dövriyyəsinin 12,3 faizi qədərdir. Bundan Gürcüstan 633 541,8 milyon dollar dəyərində (artım 8,1 faiz) Azərbaycandan mal və xidmətlər idxal edib, 626 854,9 (artım 26,4 faiz) milyon dollar dəyərində isə ixrac edib.
2012-ci ildə Gürcüstan üçün ən iri ixrac bazarı Azərbaycan olub.
Gürcüstanın ticarət tərəfdaşları sırasında Türkiyə birinci olaraq qalır. Ötən il ərzində Türkiyə ilə ticarət dövriyyəsi 1 535 714,4 milyon dollar təşkil edib. Üçüncü yeri 764 115,9 milyon manatla Ukrayna tutur.
Gürcüstanın 2012-ci il ərzində bütün xarici ticarət dövriyyəsi 10,22 milyard dollar təşkil edib ki, bu da inişildəkindən 11 faiz çoxdur. Bundan ixrac 2,377 milyard dollar (artım 9 faiz), idxal isə 7,842 milyard (artım 11 faiz) dollardır.