...

Azərbaycan və İran tiktinti məhsullarının müştərək istehsalını müzakirə edirlər

Biznes və iqtisadiyyat xəbərləri Materials 1 Mart 2013 16:54 (UTC +04:00)

Trend-i buradan izləyin

Azərbaycan, Bakı, 1 mart /Trend, müxbir T.Cəfərov/

Azərbaycan və İran tikinti məhsullarının, o cümlədən ağac-lifli plitə (MDF) məhsullarının müştərək istehsalında əməkdaşlıq edəcəklər. İranın Azərbaycandakı səfirliyinin mətbuat xidmətindən Trend-ə verilən məlumata görə, bu barədə cümə günü İranın Mazandaran əyalətinin başçısı Əli Əkbər Tahayinin Bakıda Azərbaycan kənd təsərrüfatı nazirinin müavini Bəhram Əliyevlə görüşündə qeyd olunub.

Görüşdə Azərbaycanın MDF məhsullarının Mazandaranda istehsalı üçün lazım olan ağac materialları ilə təmin edəcəyi və bu məhsulların İranda istehsal olunub hər iki bazarda satışa çıxarılacağı bildirilib.

Həmçinin, Azərbaycanda düyü istehsalı sahəsində İranın təcrübəsinin öyrənilməsi barədə müzakirələr aparılıb. Bu məqsədlə Azərbaycan Kənd Təsərrüfatı Nazirliyinin əməkdaşlarından ibarət nümayəndə heyəti yaxın vaxtlarda İrana səfər edəcək.

Görüşdə İrandan Azərbaycana süd məhsullarının ixracı, kənd təsərrüfatı sahəsində, o cümlədən bağçılıq təsərrüfatı və suvarma sahəsində əməkdaşlığın artırılması, mazandaranlı investorların Azərbaycanda heyvandarlıq sahəsində investisiya yatırması və digər məsələlər müzakirə edilib.

Məqalədə:
Xəbər lenti

Xəbər lenti