Azərbaycan, Bakı, 5 fevral /Trend, müxbir E.Əliyev/
Azərbaycanda zəmanətli pul bazarının (ZPB) iştirakçısı olan bankların sayı 12-dək artıb. Bu barədə çərşənbə günü Trend-ə Bakı Banklararası Valyuta Birjasından (BBVB) bildirilib.
Ölkədə 43 bank fəaliyyət göstərir.
Zəmanətli pul bazarı BEST pul bazarının - birja elektron ticarət sisteminin dörd seqmentindən biridir.
Birjadan bildirilib: "Hazırda bu seqmentə 11 bank daxildir. ZPB qapalıdır və hər bank onun iştirakçısı ola bilməz. Bunun üçün nəinki bütün üzvlərin, həm də pul bazarının bu seqmentində öhdəliklərin yerinə yetirilməsinin zəmanəti kimi çıxış edən ölkənin Mərkəzi Bankının razılığı olmalıdır".
ZPB ilə yanaşı BEST pul bazarının sektoru daha üç seqmentdən ibarətdir: ilk olaraq BakiBID, BakiBOR pul indikatorları formalaşır, ikinci depozit hərracı seqmentidir ki, burada iştirakçı kimi həm kommersiya bankları, həm də sığorta şirkətləri çıxış edə bilərlər. Üçüncü yerləşdirmə və pul vəsaitlərinin cəlb edilməsi üzrə limitləşdirilmiş pul bazarının seqmentidir.
Pul bazarının yeni iştirakçıları olan Azərbaycanın sığorta şirkətlərinin cəlb edilməsi işinə 2013-cü ilin aprelindən başlanıb. Bu günədək Atəşgah Sığorta, Buta Sığorta, Ata Sığorta və "Azsiğorta" sığorta şirkətləri, eləcə də ölkədə yeganə təkrar sığorta şirkəti olan AzRe ilə razılaşma əldə olunub. Sığorta şirkətləri [ölkədə onların sayı 28-dir] pul resurslarının potensial tədarükçüləridir: "BBVB ümumilikdə ölkədə kredit bazarının inkişafı üzrə fəaliyyətə köklənib. Biz kifayət qədər kiçik səviyyədə olan iştirakçıların fəallığını stimullaşdırmağa çalışırıq. Вuna səbəb kimi bu banklar tərəfindən müəyyən etibarsızlığı göstərmək olar. Eyni zamanda, biz iştirakçıları, banklardan başqa sığorta şirkətlərini də yeni alətlər təklif etməklə cəlb etməyə çalışırıq. Biz bu bazarın gələcəyini görürük".