Azərbaycan, Bakı, 18 iyun /Trend, müxbir Emin Əliyev/
Qırğızıstan hökuməti yanında Geologiya və Mineral Ehtiyatlar üzrə Dövlət Agentliyi 2014-cü ildə ölkənin dövlət əhəmiyyətli qızıl, kömür və mərmər yataqlarının hərraca çıxarılacağını elan edib. Bu barədə Trend Azərbaycanda İxracın və İnvestisiyaların Təşviqi Fonduna (AZPROMO) istinadən məlumat verir.
Azərbaycan sahibkarları auksionda iştiraka dəvət edilirlər.
Geologiya və Mineral Ehtiyatlar üzrə Dövlət Agentliyi 2014-cü ildə aşağıdakı mədənlərin işlənməsi üzrə lisenziya vermək niyyətindədir:
- Cəlalabad vlayətində qiymətli metal ehtiyatı 32,8 min ton olan "Terek-Terekkan-Perevalnoye" qızıl mədən yataqları qrupu;
- Batkent vilayətində "Bel-Alma" kömür mədəni;
- Ümumi ehtiyatı 1,8 milyon kubmetr mərmər olan "II Arım" yatağı.
