Azərbaycan, Bakı, 3 iyul /Trend, müxbir Zülfiyyə Qurbanova /
Azərbaycan Mərkəzi Bankının (AMB) qeyd etdiyinə görə, bu ilin may ayının nəticələri üzrə bankların ümumi mənfəəti zərərlə işləyən bankların itkilərindən 7 dəfədən çox olub. Trend-in məlumatına görə, bu barədə AMB-nin statistik hesabatında deyilir.
Hesabata əsasən, 34 bankın mənfəəti 237,48 milyon manat, 10 bankın zərəri isə 32,57 milyon manat təşkil edib ki, bu da bank sisteminə 204,91 milyon manat xalis mənfəət qazanmağa imkan yaradıb.
Mayda ötən ilin müvafiq dövrü ilə müqayisədə mənfəətlə işləyən bankların sayı 5 ədəd azalıb, sektorun ümumi mənfəəti isə 63,4 faiz artıb. Bununla belə, zərərlə işləyən bankların sayı 4-dən 10-dək, ümumi zərər isə 4 dəfədən çox artıb.
Hesabatda deyilir ki, bank sisteminin qazandığı maksimum mənfəət 2013-cü ilin noyabrında 346,89 milyon manat səviyyəsində qeydə alınıb və 38 bankın işinin yekunu üzrə əldə edilib. Elə həmin ayda banklar ən yüksək xalis mənfəət - 334,16 milyon manat əldə ediblər.
Bankların fəaliyyətinin maliyyə nəticələri (vergilər ödənildikdən sonra) milyon manatla:
|
Dövrlər |
Mənfəətlə işləyən bankların sayı |
Bank sisteminin ümumi mənfəəti (mənfəətli banklar üzrə) |
Zərərlə işləyən bankların sayı |
Bank sisteminin ümumi zərərləri (zərərlə işləyən banklar üzrə) |
Bankların aldığı yekun mənfəət (+) və ya zərər (-) |
|
01.07.2013 |
39 |
145,31 |
4 |
-8,12 |
137,20 |
|
01.07.2014 |
34 |
237,48 |
10 |
-32,57 |
204,91 |