Azərbaycan, Bakı, 30 iyul /Trend, müxbir Zülfiyyə Qurbanova/
Azərbaycanda fəaliyyət göstərən Rusiya kapitallı "Nikoil Bank" ASC islam məhsulları xəttini genişləndirməyi planlaşdırmır. Bunu Trend-ə bankdan deyiblər.
Mənbənin sözlərinə görə, hazırda "Halal banking" sahəsində yeganə xidmətin aktivləri 225 min manat təşkil edir ki, bu da 2014-cü il iyulun 1-nə olan vəziyyətə görə, bankın məcmu aktivlərinin 0,072 faizinə bərabərdir.
Bank hazırda "Wadiah" - şəriətin tələblərinə müvafiq depozit məhsulunu təqdim edir.
Qeyd edək ki, bank 2011-ci ilin mayından şəriət normalarına əsasən bank xidmətlərinin göstərilməsinə başlayıb.
