...

Azərbaycan banklarının təxminən 90 faizi ABŞ-ın vergi administrasiyasında qeydiyyatdan keçib

Biznes və iqtisadiyyat xəbərləri Materials 8 Avqust 2014 14:47

Trend-i buradan izləyin

Azərbaycan, Bakı, 8 avqust /Trend, müxbir Emin Əliyev/

Artıq Azərbaycanda fəaliyyət göstərən 44 bankdan 39-u Amerika Birləşmiş Ştatlar vətəndaşlarının hesabları haqqında bu ölkənin vergi orqanlarına məlumat verəcək ABŞ Daxili Gəlirlər İdarəsinin (IRS) sisteminə qoşulub. Bu barədə Trend-ə cümə günü IRS-dən məlumat verilib.

Bir müddət əvvəl Azərbaycan və IRS amerikalı rezidentlərin xarici hesablarına vergi qoyulması haqqında FATCA qanunu üzrə razılaşma məldə ediblər. 2010-cu ildə ABŞ Konqresi tərəfindən qəbul edilmiş sənəd cari ilin iyul ayının 1-dən dünyanın bütün ölkələrinin banklarının üzərinə belə hesablar haqqında IRS-ə məlumat vermək öhdəliyi qoyur. Əks təqdirdə onlara sanksiyalar tətbiq ediləcək. Öz banklarındakı amerikalıların hesabları haqqında məlumatların ötürülməsindən imtina edən ölkələrin üzləşəcəkləri sanksiyalar bu il iyulun 1-dən qüvvəyə minir.

Azərbaycan Beynəlxalq Bankı (ABB), "Bank Technique", "Zaminbank", "Bank Avrasiya", "Azer Turk Bank", "Muganbank", "Qafqaz İnkişaf Bankı ", "Kapital Bank", "PASHA Bank", "Gunay Bank", "DemirBank", "Xalq Bank", "Turan Bank", "NIKOIL BANK" və "AtaBank" IRS-də qeydiyyatdan keçib.

Bundan başqa, Britaniyanın auditor və konsaltinq şirkəti "Baker Tilly", eləcə də ABB-nin və "PASHA bank"ın Gürcüstandakı törəmə strukturları sistemdə qeydiyyatdan keçiblər.

İyulda IRS-ə Gürcüstandakı Azərbaycan banklarının sonuncu törəmə strukturu "Caucasus Development Bank - Georgia" qoşulub. İki "törəmə" Azərbaycan bankı "Azərbaycan Beynəlxalq Bankı - Gürcüstan" və "PASHA Bank Georgia" bundan əvvəl qeydiyyata alınıb.

Azərbaycan bu ilin mayında IRS-in əməkdaş ölkələr siyahısına daxil edilib və bunun sayəsində Amerikanın vergi orqanı sistemində yerli maliyyə institutlarının qeydiyyatının ən son tarixi bu il dekabrın 31-dək uzadılıb. FATCA üzrə hökumətlərarası sazişin yekun mətni, bütün zəruri dövlətlərarası prosedurların tamamlanması və bilavasitə imzalanma bu ilin sonunadək baş tutacaq.

Azərbaycan-Amerika hökumətlərarası sazişinin son mətni, bütün lazımi ölkədaxili prosedurların tamamlanması və bilavasitə imzalama 2014-cü ilin sonuna kimi keçiriləcək və informasiya mübadiləsinin praktik təşkili, məxfiliyin təminatı və başqa məsələləri nizama salan əlavə sənəd gözlənildiyi kimi, 2015-ci il sentyabrın sonuna kimi imzalanacaq.

Məqalədə:
Xəbər lenti

Xəbər lenti