Azərbaycan, Bakı, 14 oktyabr /Trend, müxbir Azad Həsənli/
2015-ci ildə dövlət büdcəsindən Sahibkarlığa Komək Milli Fonduna (SKMF) 100 milyon manat ayrılacaq ki, bu da büdcə maliyyələşdirilməsi həcminin 1/3 dəfə azalması deməkdir.
Trend-in məlumatına görə, bu barədə Maliyyə Nazirliyinin dərc etdiyi gələn il üçün Azərbaycanın dövlət və icmal büdcələri layihələrinin təqdimatında deyilir.
Bu nəzərə alınmaqla SKMF-də toplanacaq vəsaitlərin həcmi 1,747 milyard manata çatacaq (bundan 931 milyon manatı dövlət büdcəsi hesabına, 816,3 milyon manatı isə verilmiş kreditlərin qaytarılması hesabına).
Qedy edək ki, SKMF bu il 280 milyon manat dəyərində kredit ayırmağı planlaşdırır. Bu vəsaitdən 150 milyon manat kreditlərin geri qaytarılması, qalan 130 milyon manat isə dövlət büdcəsi vəsaitləri hesabına təmin ediləcək.
Ümumilikdə 2014-cü ilin ötən dövrü ərzində respublika üzrə 4233 sahibkara 240 milyon manat güzəştli kredit verilib ki, bu kreditlərdən istifadə etməklə investisiya layihələrinin reallaşdırılması 9400-dən çox yeni iş yerinin yaradılmasına imkan verir.
