Azərbaycan, Bakı, 16 oktyabr /Trend, müxbir Emil İsmayılov/
Azərbaycan Nəqliyyat Nazirliyi 2017-ci ildə beynəlxalq əhəmiyyətli bütün magistral avtomobil yollarının tikintisi üzrə işləri başa çatdıracaq.
Trend-in məlumatına görə, bunu cümə axşamı Bakıda nəqliyyat naziri Ziya Məmmədov "Bakı-Tbilisi-Qars dəmir yolu xətti - Tarixi İpək Yolunun inkişafında yeni imkanlar" mövzusunda keçirilən beynəlxalq konfransında deyib.
Onun sözlərinə görə, bütün bu işlər yerli və beynəlxalq əhəmiyyətli avtomobil daşımalarının yüngülləşməsinə xidmət edəcək və təhlükəsiz yol hərəkətinin təmin edilməsi üçün şərait yaradacaq.
Z.Məmmədov qeyd edib ki, Azərbaycan iqtisadiyyatına yatırılan vəsaitlərin ümumi həcminin 20 faizi nəqliyyat sektorunun payına düşüb.
