Bakı. Trend:
Xəzəryanı ölkələr dənizin hüquqi statusunun həllinə yaxınlaşırlar. Trend-in məlumatına görə, bunu İran Parlamentinin spikeri Əli Laricani TASS agentliyinin baş direktorunun birinci müavini Mixail Qusmana müsahibəsində deyib.
Ə.Laricani qeyd edib ki, danışıqlar illərlə uzanır, fikir ayrılıqları var. Lakin İran rəsmisi bu fikir ayrılıqlarının danışıqlar yolu ilə həllinin vacibliyini vurğulayıb: "Xəzər dənizindən istifadə edənlərin müxtəlif komponentləri, fikirləri ola bilər. Həmçinin ətraf mühitin mühafizəsi məsələsi var. Bu problemin müxtəlif aspektləri var ki, buna diqqət yetirmək vacibdir. Fikrincə, problemin həllinə artıq yaxınlaşırıq".
Spikerin sözlərinə görə, digər ölkələr də Xəzərin hüquqi statusunun vacibliyi qənaətinə gəliblər, belə ki, hüquqi normaların olmaması zərər verir.