...

Şahin Mustafayev: Azərbaycan Rusiya iqtisadiyyatına 1 milyard dollardan çox investisiya qoyub

Biznes və iqtisadiyyat xəbərləri Materials 31 May 2018 16:33
Azərbaycanın Rusiyaya investisiyalarının ümumi həcmi bir milyard dolları ötür
Şahin Mustafayev: Azərbaycan Rusiya iqtisadiyyatına 1 milyard dollardan çox investisiya qoyub

Trend-i buradan izləyin

Bakı. Trend:

Azərbaycanın Rusiyaya investisiyalarının ümumi həcmi bir milyard dolları ötür.

Trend-in məlumatına görə, bunu Həştərxanda Azərbaycan iş mərkəzinin açılışı mərasimində iqtisadiyyat naziri Şahin Mustafayev deyib.

Nazir əlavə edib ki, Rusiyanın Azərbaycan iqtisadiyyatına investisiyaları dörd milyard dollara çatıb:

“Rusiya Azərbaycanın əsas ticarət tərəfdaşlarından biridir. Ona görə də təsadüfi deyil ki, Azərbaycan ilk ticarət nümayəndəliyini məhz Rusiyada açıb. İkitərəfli ticarətdə müsbət tendensiya müşahidə olunur. 2017-ci ildə ölkələrimiz arasında ticarət dövriyyəsi 22 faiz artıb və iki milyard dollara çatıb. Bu ilin dörd ayı ərzində ticarət dövriyyəsi artıq 30 faiz artıb”.

Qeyd edək ki, bu gün Həştərxanda Heydər Əliyev Fondunun təşəbbüsü ilə tikilmiş Azərbaycanın Rusiyadakı ilk ticarət nümayəndəliyi açılıb.

Məqalədə:
Xəbər lenti

Xəbər lenti