Bakı. Eldar Canaşvili - Trend:
Azərbaycanda tikilməkdə olan Astara taxıl terminalı 2020-ci ilin avqustunda fəaliyyətə başlayacaq.
Trend-in məlıumatına görə, bunu Beynəlxalq Taxılçılıq Forumunda "Astara Grain Outlook"un əməliyyat meneceri Fərid Həsənov deyib.
Onun sözlərinə görə, terminalın buraxılış gücü ildə 500 min ton təşkil edəcək, 2021-ci ildə bu göstərici bir milyon tonadək çatacaq. Terminalda eyni anda 60 mon tonadək taxıl saxlamaq mümkün olacaq.
Taxılın Astara vasitəsilə daşınmasının üstünlüklərindən danışan F.Həsənov bildirib ki, dəmiryolu tranzitində qiymət siyasəti avtomobil və dəniz marşrutlarından daha ucuzdur. Azərbaycan İrana tranzit üzrə 50 faizlik endirim təqdim edir.