İlk denominasiya olunmuş pul əskinasları Azərbaycana 2005-ci ilin dekabrında gətiriləcək. Azərbaycan Milli Bankının İdarə Heyətinin sədrinin birinci müavini Alim Quliyevin Trend ə verdiyi məlumata görə, dekabr ayında nisbətən aşağı nominallı sikkə və əskinasların gətirilməsi planlaşdırılıb.
"İlkin mərhələdə tələbatın aradan götürülməsi üçün orta dəyərli bütün pullar gətiriləcək. Onların dekabrda gətirilməsi onunla müəyyən edilib ki, yanvarda biz onların istifadəyə verilməsinə başlamalıyıq. 50 və 100 manat dəyəri olan əskinasların da Azərbaycana gətiriləcəyi istisna edilmir. Qalan pullar ölkəyə 2006-cı ildə gətiriləcək ", - deyə A.Quliyev bildirib.
Onun sözlərinə görə, pul siyarişinin həcmi onlara olan tələbatı tam ödəyir. "Məsələ burasındadır ki, dekabr ayında onların hamısının yrxsa bir hissəsinin Azərbaycana gətiriləcəyi məlum deyil. Ola bilər ki, istehsalın qrafikinə uyğun oalaraq yalnız bir hissə gətirilsin ", - deyə A.Quliyev qeyd edib.
Bundan əvvəl Azərbaycanın Milli bankı Avstriyanın Osterreicheichische Banknoten und Sicherheitsduck şirkəti ilə yeni denominasiya əskinaslarının və sikkələrinin çat və döyülməsi barədə müqavilə imzalamışdı.
İndiyə kimi yeni pulların çapı ilə Britaniyanın Royal Mint Kral sikkəxanasının subpodratçısı olduğu Britanyianın Thomas De La Rue şirkəti məşğul olacağı ehtimal edilirdi.
Müqavilənin dəyəri 16 milyon avrodur.
