Qazaxıstanın TuranAlem Bankı Azərbaycan Milli Bankından Azərbaycanda öz nümayəndəliyini açmaq üçün təkrar razılıq gözləyir. Bankın Bakıdakı nümayəndəliyinin rəhbəri Aida Sultanovanın Trend ə verdiyi məlumata görə, Milli Bankın ikinci razılığının alınacağı müddət dəqiqləşdirilməyib.
"Biz artıq ilkin razılıq almışıq. Sonra tam razılıq aldıqdan sonra Ədliyyə Nazirliyində qeydiyyatdan keçəcəyik. İkinci razılaşmanın alınması müddəti qanunda qeyd edilməyib. Mən AMB-na məktub yazaraq yaxın vaxtlarda bizim bankın açılması ilə bağlı razılığın verilib-verilməyəcəyini öyrənməklə bağlı vəziyyətə aydınlıq gətirilməsi üçün sorğu göndərməyə hazırlaşıram ", - deyə A.Sultanova bildirib.
A.Sultanovanın qeyd etdiyinə görə, bank paralel olaraq Azərbaycan bankı tərəfindən payının alınması üzrə danışıqları davam etdirir. "Biz satınalma ilə bağlı yerli banklara təkliflər edirik. Hazırda bu layihə ilkin danışıqlar mərhələsindədir və nəticələrdən danışmaq hələ tezdir. Satınalma üçün bank seçərkən biz əvvəllər bunun bazarda 5 %-lik paya malik bank olmasını nəzərdə tutrduq. Lakin indi biz Azərbaycan üçün başqa kriteriyaların olmasını qərara almışıq. Biz banka, onun maliyyə vəziyyətinə filial şəbəkəsinin inkişafınv və digər kriteriyalara baxırıq. Biz bankın 100 % alınmasını planlaşdırmırıq. Bu bizim strategiyamız deyil. Biz nəzarət paketi almağı planlaşdırırıq ", - deyə sonda A.Sultanova bildirib.
