Sentyabrın 27-də Fransa Milli Tədqiqatlar İnstitunun 2 mütəxəssisindən ibarət nümayəndə heyətinin səfəri başa çatıb. Kənd Təsərrüfatı Nazirliyinin elmi-aqrar mərkəzindən Trend ə verilən məlumata görə, mütəxəssislər kənd təsərrüfatı nazirinin müavini Bəhram Əliyev tərəfindən qəbul edilib.
Mərkəzdən bildirilib ki, mütəxəssislərin səfəri çərçivəsində meyvəçilik və tərəvəzçilikdəki virus xəstəliklərinin ümumi vəziyyəti ilə tanış olmaq məqsədilə ölkənin regionlarında olublar. Quba, Lənkəran və Gəncənin meyvə bağlarında olarkən öyrənilmək üçün müvafiq nümaunələr götürülüb, eləcə də Azərbaycan Elmlər Akademiyasının nümayəındələri üçün yuxarıda göstərilən sahələrdə virus xəstəlikləri ilə mübarizəyə, onların aradan qaldırılması yollarına həsr olunan seminar keçirilib.
Mərkəzdən bildirilib ki, ötən ilin artıq sentyabr ayında bu ölkənin mütəxəssisləri Azərbaycanda olublar.
Bu tədbir 2002-ci ilin dekabrında qəbul edilən Azərbaycanla Fransa arasında meyvəçilik sahəsində əməkdaşlıq proqramının çərçivəsində həyata keçirilir.