2005-ci il noyabrın 9-10-da Almata şəhərində "Qazaxıstan ipotekasının təcrübəsi: dünən, bu, sabah" adlı ipoteka kreditləşməsinə həsr olunmuş ilk beynəlxzalq konfrans keçiriləcək. Bank TuranAlemin (BTA)Bakı nümayəndəliyinin rəhbəri Aida Sultanovanın Trend ə verdiyi məlumata görə, konfransa Azərbaycanın maliyyə strukturlarının nümayəndələri dəvət olunub.
"Biz demək olar ki, ipoteka kreditləşməsində maraqlı olan bütün kommersiya bankları, eləcə də Azərbaycan Milli Bankının nümayəndələrini dəvət etmişik. Mən belə hesab edirəm ki, Azərbaycan prezidentininfərmanına görə, MB ipotekanın inkişafı proqramını işləyib hazırlamalı olduğuna görə, Azərbaycan üçün bu konfransda iştirak etmək daha maraqlı olar ", - deyə A.Sultanova bildirib.
Konfransda Qırğızıstan, Ukrayna və Rusiyadan olan nümayəndələrin məruzə ilə çıxış etməsi planlaşdırılıb ki, onlar konfrans iştirakçılarına bu ölkələrdə ipoteka kreditləşməsi bazarındakı cari vəziyyətlə bağlı məlumat versinlər. Bununla yanaşı, tədbirin işində Qazaxıstanın ipoteka şirkətlərinin, Qazaxıstanın ipoteka kreditlərinin zəmanəti fondunun, Maliyyə nəzarəti agentliklərinin, sığorta şirkətlərinin və s. nümayəndələr iştirak edəcəklər.
