Avropa komissiyasının maliyyələşdirdiyi TRACECA proqramları çərçivəsində "Nəqliyyat operatorlarının (daşıyıcılarının) treninqi" layihəsinin gerçəkləşdirilməsinə başlanıb. Ğu ğarədə Trend ə TRACECA Hökumətlərarası komissiyasında Azərbaycanın milli katibi Akif Mustafayev bildirib.
Onun sözlərinə görə, treninqləri Avropa komissiyası tərəfindən tender yolu ilə seçilmiş Hollandiyanın Nea şirəkti aparacaq. Hazırda şirkətin Azərbaycandakı mütəxəssisləri öz ştatını müəyyən edir. Treninqlərdə Şərqi Avropa ölkələri, xüsusilə Türkiyə, Rumıniya, Bolqarıstan istisna olmaqla TRACECA Hökumətlərarası komissiyasının bütün üzv ölkələri iştirak edəcək. Layihənin gerçəkləşdirilməsi müddəti 24 aydır.
Avropa komissiyası həm də dəniz nəqliyyatının rəhbər tərkibi (gəmi kapitanları və d.) üçün treninqlərin keçirilməsi, "Təhlükəli yüklərin daşınmasının tənzim ediləmsi qaydaları"na hazırlıq kimi layihələri maliyyələşdirir. Hazırda treninqləri aparacaq şirkətlərin seçimi üçün keçiriləcək tenderlərin təklifləri qiymətləndirilir.