2005-ci ilin 11 ayı ərzində Bakı Banklararası Valyuta Birjasının (BBIB) valyuta əməliyyatları üzrə dövriyyə 2004-cü il üzrə dövriyyənin 68% -nə çatıb. BBIB -dən Trend ə verilən məlumata görə, 2005-ci ildə birjanın dövriyyəsi ABŞ dolları, avro və Rusiya rublu ilə artıq 3330404.1179 mln manat (bu dövrdəki orta birja kursu üzrə $702,367 miln) təşkil edib ki, bu da bütün 2004-cü il ərzindəki dövriyyənin 68% -nə bərabərdir.
Bu zaman ABŞ dolları üzrə BBIB-nin dövriyyəsi 3325654,3272 mln manat ($701,365 mln) və ya bütün 2004-cü il ərzində dövriyyənin 68,01% -ni təşkil edib.
Birjanın rubl və avro üzrə dövriyyəsi ötən il ərzindəki 7080,24944 mln manata və ya $1,441 milyona qarşı 4749,79074 mln manat ($1,0017 mln) təşkil edib. Cari ilin 11 ayı ərzində Rusiya rublu ilə sövdələşmələr 13,103 mln rubl (2181,20297 mln manat) təşkil edib ki, bu zaman bir rus rublunun manata nisbətdə məzənnəsi 166,4659 RUR/AzM olub.
Noyabrda BBIB-nin ABŞ dolları üzrə dövriyyəsi $49,775 mln (228738,559 mln manat) təşkil edib ki, bu zaman 1 ABŞ dollarının manata məzənənsi 4595,4507 USD/AzM olub, 5433,5882 EUR/AzM məzənnəsində avro üzrə 17 min avro (92,371 mln manat), 159,6744 RUR/AzM məzənnəsi üzrə Rusiya valyutası üzrə 2,968 mln rubl (473,91364 mln manat) olub.