""Pensiya fondları haqqında" Qanun qüvvəyə mindikdən sonra Qiymətli Kağızlar üzrə Dövlət Komitəsi Əhalinin Sosial Müdafiəsi Dövlət Fondu ilə qiymətli kağızlar bazarında qeyri-dövlət pensiya fondlarının iştirakı ilə bağlı fəal müzakirələr aparır. Qiymətli kağızlar üzrə Dövlət Komitəsinin sədri Gündüz Məmmədovun Trend ə verdiyi məlumata görə, bu məsələ ilə bağlı ƏSMDK-nın rəhbəri Səlim Müslümovla məsləhətləşmələr aparılıb. "Biz bununla əlaqədar qarşılıqlı fəaliyyət, ümumi layihələrin həyata keçirilməsi məsələlərini müzakirəyə çıxarmışıq. Vəsait cəlb etmək və gəlir götürmək üçün özəl pensiya fondlarının da QK bazarında iştirakına şərait yaratmaq lazımdır", - deyə G.Məmmədov bildirib.
O hesab edir ki, Dövlət Fondu da qiymətli kağızlar bazarında iştirak edə bilər. "Biz yaxın vaxtlarda daha real əməkdaşlığa başlayacağıq ki, bu da "Pensiya fondları haqqında" qanunun tətbiqindən sonra mümkündür", - deyə DK rəhbəri qeyd edib.
