Azərbaycanın gəlirlərinin illik artımı $1 mlrd təşkil edir ki, bunu da Azərbaycanı investisiya qoyuluşu baxımından cəlbedici ölkə adlandıran YUKTANT beynəlxalq təşkilatının müşahidələri təsdiqləyir. Trend in xəbər verdiyi kimi, bu barədə iyunun 12-də keçirilmiş biznes-forumda iqtisadi inkişaf nazirinin müavini Mikayıl Cabbarov məlumat verib.
Onun sözlərinə görə, enerji sektoru, neft gəlirlərinin artım dinamikası ölkədə gələcək iqtisadi artım və qeyri-neft sektorunun inkişafı üçün təkan olacaq. "Hazırda hökumət üçün əsas prioritet regional infrastrukturun inkişafıdır", - deyə o bildirib.
"Maliyyə imkanlarını genişləndirmək üçün ilk növbədə faiz dərəcələri aşağı olmalıdır. Azərbaycanda sahibkarlığın güzəştli şərtlərlə maliyyələşdirilməsi üçün hər il büdcədən 100 mln. manat ayrılır və bu dinamikanın inkişafı müşahidə olunur", - deyə Mikayıl Cabbarov qeyd edib.
