İyulun 27-də Dünya Bankının energetika və infrastruktur sektorunun və bankda Avropa və Mərkəzi Asiya ölkələrində infrastruktur departamentinin direktoru Piter Tompsonun Bakıya səfəri başlayıb. Bu barədə Trend ə bankın Bakı nümayəndəliyindən məlumat verilib.
Hazırda Azərbaycanın Maliyyə Nazirliyində görüş keçirilir. Səfərdə əsas məqsəd ölkə hökuməti ilə bankın artıq cəlb olunduğu əsas əməkdaşlıq sahələrinin, o cümlədən yeni layihələrdə iştirak perspektivlərinin müzakirəsindən ibarətdir. Eyni zamanda Abşeronun neftlə çirklənmiş torpaqlarının təmizlənməsi proqramı çərçivəsində energetika, nəqliyyat, su təchizatı və kanalizasiya sahələrində əməkdaşlıq məsələləri müzakirə mövzusu olacaq.
Səfər avqustun 2-dək davam edəcək. Qonaq, həmçinin, iqtisadi profilli digər nazirlik və idarələrin rəhbərlikləri ilə də görüşlər keçirəcək. Bundan başqa ölkənin baş naziri Artur Rəsizadə ilə görüşün keçirilməsi planlaşdırılır.