Koreyanın Woori Bank-ı Azərbaycan hökumətinə avtomobil yolunun Gürcüstan sərhədinədək genişləndirilməsi layihəsinin maliyyələşdirilməsində iştirak etməyə hazır olduğunu bildirib. Azərbaycanın Nəqliyyat Nazirliyindən Trend ə verilən məlumata görə, Koreya bankının Yevlaxdan Gəncəyədək 88,8 km uzunluğunda yolun maliyyələşdirilməsinə cəlb olunması artıq razılaşdırılıb.
İki zolaqlı avtomobil yolunun 4 zolaqlı yolla əvəz edilməsi üçün Woori Bank $120 mln ayırmağı təklif edir. Bu vəsaitlərə həm də avtomobil yolunun genişləndirilməsinin TİƏ üzrə xərcləri də daxildir.
Koreya bankından başqa, BNP Paribas, DB, Slovakiyanın İxrac bankı da bu layihənin maliyyələşdirilməsində iştirak etmək istəyir. Hökumət maliyyələşdirmə üçün BNP Paribas-a mandat verib. Bank əvvəlcə $120 mln kredit təklif edib. Daha sonra maliyyələşdirmədə iştirakını $300 mln-dək artırıb. Həmçinin, Hacıqabuldan Yevlaxadək yolun maliyyələşdirilməsi ilə bağlı ilkin təklif də dəyişib. Bundan sonra BNP Paribas hazırda Hacıqabulda tikinti işləri aparıldığından Gürcüstanla sərhəd ərazidən maliyyələşdirmək istəyir. Fransa bankının vəsaitləri Hacıqabuldan Yevlaxadək 184,8 km uzunluğunda və Qazaxdan Gürcüstan sərhədinədək 38 km uzunluğunda yolun maliyyələşdirilməsinə yönəldiləcək.
Hökumət avtomobil magistralının Hacıqabuldan Gürcüstan sərhədinədək genişləndirilməsi üzrə tikinti işlərinin nə zaman başa çatacağını müəyyən etməyib. Bakıdan Gürcüstan sərhədinədək yolun yenidənqurulması üzrə birinci layihənin müddəti 2008-ci ildə başa çatır.
