Kənd təsərrüfatı texnikasının alınması üçün 2007-ci ildə "Aqrolizinq" ASC-yə dövlət büdcəsindən 45 mln. manat, gübrə və pestisidlərin alınması üçün isə 15 mln.manatın arylıması planlaşdırılır. Trend in xəbər verdiyi kimi, bu barədə jurnalistlərə kənd təsərrüfatı naziri İsmət Abbasov məlumat verib.
Onun sözlərinə görə, bu günlərdə o, ölkənin baş nazirinə gübrə və pestisidlər üçün nəzərdə tutulmuş xərclərin 10 mln. manatadək azaldılması hesabına kənd təsərrüfatı texnikasının alınması üçün vəsaitlərin 50 mln. manatadək artırılması xahişi ilə müraciət edib.
2006-cı ildə kənd təsərrüfatı texnikasının alınmasına 28 mln. manat vəsait ayrılıb və hal-hazırda onların Azərbaycana çatdırılması davam etməkdədir. Gübrə və pestisidlərin alınması üçün isə 10 mln. manat nəzərdə tutulub.