Azərbaycan Nəqliyyat Nazirliyi sentyabr ayında avtonəqliyyat vasitələri sahiblərinə lisenziyanın verilməsi və vergi ödənişi ilə bağlı 25 min 657 fərqləndirmə nişanı verib. Bu barədə Trend ə Azərbaycan Nəqliyyat Nazirliyindən məlumat verilib. Bu nişanların dəyəri 552 min 409 AZN-dir.
Verilmiş nişanların ümumi sayının 2 154-ü şəhərlərarası avtobusların, 6 210-u şəhərdaxili avtobusların, 9 359-u yük maşınlarının, 6 924-ü taksilərin, 411-i isə xüsusi icazələrin payına düşür.
Nazirlik təmsilçilərinin fikrincə, yeni sistemin tətbiqi avtonəqliyyat vasitələri sahiblərinin vergidən yayınması ilə mübarizəni yaxşılaşdırmağa, eləcə də sərnişinlərə və yük sahiblərinə lazımi xidmətin göstərilməsinə imkan verəcək.
