Azərbaycan hökuməti və Dünya Bankı (DB) respublika üzrə torpaq kadastrının yaradılması üzrə 38 milyon dollarlıq layihənin yekun dəyərini razılaşdırıb. Bu barədə Trend ə İqtisadi İnkişaf Nazirliyindən məlumat verilib.
DB 30 milyon dollar məbləği ayrımağa hazır olduğunu bildirib, bu da layihənin ümumi dəyərinin 81,5%-ni təşkil edir. Maliyyələşdirmənin qalan hissəsini hökumət təqdim edəcək.
Kredit Beynəlxalq Yenidənqurma və İnkişaf Bankının şərtlərinə uyğun - 3 illik güzəştli dövrlə 15 il müddətinə ayrılacaq.
Yeganə mübahisəli məsələ fotoçəkilişlə bağlı idi, lakin bu, milli təhlükəsizlik baxımından həll olunub.
Kredit müqaviləsi üzrə danışıqlar dünən başa çatıb və onun nəticələrinə əsasən protokol tərtib olunub. Müvafiq nazirlik və müəssisələrin bütün vizaları artıq toplanıb və bu gün Azərbaycanın baş naziri Artur Rəsizadə tərəfindən protokolun imzalanması gözlənilir.
