...

AZPROMO Qərbi Qazaxıstanda ilk nümayəndəliyinin açılış tarixi ilə müəyyənləşib

Biznes və iqtisadiyyat xəbərləri Materials 24 Fevral 2007 11:56 (UTC +04:00)

Azərbaycan,Bakı/müxbir Trend İ.Xəlilova/ Azərbaycanda İxracın və İnvestisiyaların Təşviqi Fondu (AZPROMO) Aktauda (Qərbi Qazaxıstan) nümayəndəliyinin açılışını mart ayına planlaşdırıb. Bu barədə AZPROMO-nun prezidenti Emil Məcidov məlumat verib.

Nümayəndəlikdə bir nəfər işləyəcək və o, AZPROMO-nun bilavasitə əməkdaşı olmayacaq, şirkət qrupları arasında koordinasiyaedici rol oynayacaq. Onların bir hissəsi AZPROMO-nun himayəçiləri olacaq.

E.Məcidovun sözlərinə görə, Qazaxıstandakı ofisin büdcəsinin formalaşdırılmasında qeyri-neft və neft şirkətlərinə servis xidmətləri sazhəsindən olan təxminən 5-6 Azərbaycan şirkəti iştirak edəcək.

O, hesab edir ki, AZPROMO-nun effektiv işi üçün mütəmadi olaraq məlumat almaq lazımdır. Qərbi Qazaxıstan isə maraqlı bazarlardan biridir və kimsə münasibətlərin inkişafı üçün koordinasiya ilə məşğul olmalıdır. Bu yapon sistemidir və konyukturadan asılı olaraq Rusiyada da ofisin açılması mümkünlüyü yaranacaq. Qazaxıstanda neft-qaz sahəsində servis şirkətləri barədə söhbət gedirsə, Rusiyada isə ərzaq bazarında olacaq.

Qazaxıstanda ofisin yaradılması qərarı AZPROMO-nun himayəçilər şurasının son iclasında qəbul olunub. Emil Məcidovun fikrincə, nümayəndəliyin açılışı Qazaxıstanda Azərbaycan şirkətlərinin işinin başlanmasına dəstək olacaq. Onun funksiyalarına Azərbaycan şirkətlərinin məlumat və təşkilatı dəstəyi daxildir.

Xəbər lenti

Xəbər lenti