Azərbaycan, Bakı/ Trend müxbir İ.Xəlilova/ İqtisadi İnkişaf Nazirliyi 2007-ci il üçün sosial-iqtisadi inkişaf proqnozundakı dəyişiklikləri hökumətə təqdim etməyə hazırlaşır. İqtisadi inkişaf naziri Heydər Babayevin bildiridiyinə görə, birinci rübün yekunları göstərir ki, il ərzində ÜDM-in artımı əvvəlcədən müəyyən edilmiş 28 faizlik proqnozu üstələyəcək.
"2007-ci ildə Azərbaycanın əldə edəcəyi iqtisadi göstəricilər hamını təəccübləndirəcək. Həmçinin son iki ildə Azərbaycan ÜDM-in inkişaf tempinə görə birinci yeri tutub. 2006-cı ildə ÜDM-in 34,5 faizlik artımında neft sektoru üçün inkişaf 12 faiz təşkil edib. Bu onu göstərir ki, yalnız neft sektoru deyil, dövlətin səyləri nəticəsində qeyri-neft sektorları da inkişaf edir" - deyə nazir bildirib.
Onun sözlərinə görə, Azərbaycanın gələcəyi yalnız neftlə bağlı deyil, həmçinin qeyri-neft sektorunda rəqabətqabiliyyətliliyin yaradılmasındadır. Buna ölkənin geofiziki məkanı və ölkə ərazisindən enerji ehtiyyatlarının nəqli üçün tranzit ərazi kimi istifadə edilməsi də kömək edir.
