Azərbaycan, Bakı /müx. Trend Ü.İsmaylova/ "Daşınmaz əmlak bazarının iştirakçıları" ictimai təşkilatının məlumatında bildirilir ki, may ayında Bakının daşınmaz əmlak bazarında qeyri-mövsümi göstəricilər səbəbindən nisbi sabitlik müşahidə olunub. May ayında "Azeri-REİ" daşınmaz əmlak bazarının göstəricisi 1,2 % artıb və 282,8 nöqtəsində dayanıb ki, bu da əsasən torpaq bazarının hesabına əldə edilib. İkinci dərəcəli əmlak bazarında inkişaf indeksi 0,3 % təşkil edib və bu, 2006-cı ilin analoji dövrünün göstəriciləri ilə eynidir. İkinci dərəcəli bazarda orta qiymət bir kvadratmetr üçün 1215 dollar təşkil edib. Qiymət artımı əsasən Bakının birinci zonasında müşahidə edilib, ikinci və üçüncü zonalarda isə sabitlik müşahidə edilir. Artım əsasən "memarlıq" tikintilərində müşahidə edilib ki, bu da onların şəhərin birinci zonasında yerləşməsi ilə bağlıdır. Təkliflər paketində yeni tikililərin payı 14,8%, "Leninqrad" layihəli evlərin payı isə 32,2% təşkil edib.
...