Azərbaycan, Bakı /müx. Trend İ.Xəlilova/ Bakı Fond Birjası broker müqavilələrinin REPO hesablarının açılması üzrə sazişlərin imzalanması ilə bağlı JP Morgan və CitiGroup-la danışıqlara başlayıb. Bu barədə cümə günü birjanın idarə heyətinin sədri Xəyal Abdinov məlumat verib.
"Düşünürəm ki, ilin sonuna kimi bu investorlar Azərbaycanın qiymətli kağızlar bazarında müqavilələr bağlamaq imkanı əldə edəcəklər. Ümumilikdə hesab edirəm ki, 2007-ci il iri institusional investorların bazara gəlməsi ilə əlamətdar oldu. İndi biz CitiGroup-la çalışırıq və sazişlərin bağlanması mərhələsindəyik" - deyə Abdinov vurğulayıb.
Hazırda Azərbaycana gəlmək istəyən investorların siyahısı genişdir. Onların arasında fond birjaları və iri şirkətlər var.
Bakı Fond Birjası onların hamısına Azərbaycanın fond bazarı haqda lazımi məlumat verir.
