Azərbaycan, Bakı/ " müxbir İ.Xəlilova/ Azərbaycan prezidentinin fərmanı ilə Azərbaycan Dövlət Neft Fondunun 2008-ci il üçün büdcəsi təsdiqlənib. Fərmana əsasən, büdcə 192.851 mln. manat profisitlə formalaşdırılıb. Fondun gəlirləri 3 309 361 min manat, xərcləri 1 680 853.6 min manat səviyyəsində müəyyənləşdirilib. Fondun gəlirlərinin çox hissəsinin (90%-dən çox) gəlir neftinin satışından əldə ediləcəyi gözlənilir. Neft layihələrinin həyata keçirilməsindən 3 473 109.6 min manat gəlir əldə olunacaq. Bunun 13 423.2 min manatı Bakı-Tbilisi-Ceyhan layihəsi üzrə dividendlərdir. Neft Fondunun vəsaitlərinin idarə edilməsindən 121 928.2 min manat, digər gəlirlərdən 900 min manat vəsait əldə ediləcəyi gözlənilir. Neft Fondunun strukturunda qaçqın və məcburi köçkünlərin sosial-məişət vəziyyətinin yaxşılaşdırılması üzrə tədbirlərə 145 mln. manat, Samur-Abşeron suvarma sisteminin yenidən qurulması layihəsinə 120 600 min manat, Oğuz-Qəbələ zonasından Bakıya su kəmərinin çəkilməsinə 211 820 min manat, Bakı-Tbilisi-Qars dəmir yoluna 88 682 min manat, Azərbaycan gənclərinin xaricdə təshsil alması üzrə Dövlət Proqramına 5 mln. manat vəsait ayrılıb. Dövlət Neft Fondundan ölkə büdcəsinə 1.1 mlrd. manat səviyyəsində transfertlər gözlənilir. Neft Fondunun idarə edilməsi üçün 9 751.6 min manat vəsait ayrılması planlaşdırılıb.
...