Azərbaycan, Bakı, 12 avqust/ Trend , müxbir E.İsmayılov/ Azərbaycan Dövlət Neft Şirkətinin "Kompleks geoloji - kəşfiyyat və topoqrafiya" İdarəsi yaxın vaxtlarda "Ümid" qaz-kondensat dəniz strukturunda qruntun laborator tədqiqatlarını başa çatdıracaq. Bu barədə çərşənbə axşamı İdarədən məlumat veriblər.
"Ümid" üzrə laborator tədqiqatları yaxın günlərdə başa çatmalıdır", - İdarədən bildiriblər.
Sahənin öyrənilməsi onun etibarlılığı və sahədə quraşdırılması planlaşdırılan "Ümid- 1" platformasının ağırlığını saxlamaq qabiliyyətinin müəyyən edilməsi üçün aparılır.
"Ümid" dəniz yatağında güman edilən qaz ehtiyatları 200-300 mlrd. kubmetr qiymətləndirilir.
"Ümid- 1" dəniz platformasının istismarı ARDNŞ - ə şəxsi vəsaitlər hesabına işlənilən yataqlardan qaz hasilatının artırlması üzrə proqramın reallaşdırılması çərçivəsində lazımdır. Platformadan altı qaz quyusu qazmaq planlaşdırılır.
Tikilib başa çatdırılmamış "Çıraq- 6" platformasının bazasında tikilən "Ümid- 1" platforması proqram çərçivəsində ən iri obyektdir - onun hündürlüyü 72 m təşkil edəcək. Platforma "Bulladəniz" dəniz yatağından 15 km məsafədə, suyun 58 m dərinliyində yerləşdiriləcək.
Müəlliflə əlaqə saxlamaq üçün elektron ünvan - [email protected]
