Azərbaycan, Bakı, 19 avqust/ Trend , müxbir E.İsmayılov/Azərbaycan və Mərkəzi Asiyadan neft və neft məhsullarının Qara dənizin Poti, Batumi və Kulevi limanlarına daşınması üçün istifadə ediləcək Tbilisi yaxınlığındakı körpüdə təmir işləri başa çatıb, - çərşənbə axşamı regional daşınma bazarındakı mənbə deyib.
Gürcüstanın Qara dəniz limanları istiqamətində neft və neft məhsullarının hərəkətinin bu gün və ya sabah bərpa ediləcəyi gözlənilir.
"Təmir işləri başa çatıb, hazırda sınaqlar aparılır. Hərəkət bu gün axşam və ya sabah bərpa ediləcək", - mənbə deyib.
Dəmir yolunun bu sahəsinin təmiri üzrə işlər bir neçə gün ərzində aparılıb. Təmir işlərini gürcü və azərbaycanlı mütəxəssislər görüblər.
Şənbə günü Gürcüstanın Kaspi şəhəri yaxınlığındakı körpünün (Gürcüstanın Qara dəniz limanlarına aparan) partladılması nəticəsində dəmir yolu vasitəsilə neft və neft məhsullarının nəqli dayandırılıb. Bu körpüdə də təmir işləriaparılır.
Azərbaycanın Dövlət Dəmir Yolu İdarəsində alternativ körpüdə təmir işlərinin başa çatması faktını təsdiq ediblər. "Körpünün təmiri üzrə işlər başa çatıb. Bu yolla yüklərin nəqlinin başlanmasına icazə verəcək ekspertlərin rəyini gözləyirik", - idarənin nümayəndəsi deyib.