Azərbaycan, Bakı, 15 noyabr/ Trend , müxbir A.Bədəlova/ İtaliyanın Bruno Leoni İnstitutunun Enerji Departamentinin direktoru Karlo Staqnaro (Carlo Stagnaro) hesab edir ki, Bakıda keçirilən Enerji Sammitinin iştirakçı ölkələrinin əməkdaşlığı enerji bazarlarına böyük inteqrasiyaya nail olmağa kömək edəcək.
"Belə ki, Avropa enerji məsələləri üzrə "vahid səs" hazılamağa səy göstərir. Tranzit ölkələri və istehsalçı ölkələrin enerji bazarlarına böyük inteqrasiyanı təmin etmək məqsədi ilə əməkdaşlıq etməsi mühümdür", - deyə Trend -a cümə günü elektron poçt ilə Bakıdakı IV Enerji Sammitinin yekunlarını şərh edən Staqnaro bildirib.
Sammitdə Avropanın enerji təhlükəsizliyinin təmin edilməsi və alternativ neft və qaz tədarükü marşrutlarının yaradılmasına imkan verən layihələr müzakirə olunub. Sammitdə Azərbaycan, Gürcüstan, Türkiyə, Litva, Ukrayna və Polşa prezidentələri iştirak ediblər.
Staqnaronun sözlərinə görə, Aİ-yə üzv olan Litva və Polşa kimi ölkələr Brüssel və Aİ-yə daxil olmayan dövlətlər arasında tam "siyasi körpü" rolunu oynaya bilər.
Staqnaro hesab edir ki, bu gün beynəlxalq əməkdaşlıq xüsusilə vacibdir, çünki enerji ehtiyatlarına tələbatın azalması nəticəsində yaranan kredit böhranı və azalmanın təsiri iri layihələrin sərmayələşdirilməsini çətinləşdirir.
"Prioritetlərin məcmusu həm enerji ehtiyatları istehsalçıları, həm də istehlakçıları tərəfindən zəngin təbii ehtiyatlara malik olan ölkələrin stabil artımının təmin edilməsi üçün lazım olan enerjinin əldə olunması üçün nəzərdən keçirilməlidir", - deyə Staqnaro bildirib.
Məqalə müəllifi ilə əlaqə ünvanı: [email protected]