Azərbaycan, Bakı, 29 dekabr/ Trend , müxbir E.İsmayılov/ Xəzərin Azərbaycan sektorunda yerləşən "Mərkəzi Azəri" yatağında fəaliyyətdə olan beş quyudan (Əvvəllər qaz tullantıları aşkar olunması ilə bağlı olaraq hasilatı dayadırılan) sutkalıq neft hasilatı təqribən 111 min barel təşkil edir. Bu barədə bazar ertəsi SOCAR şirkətində işlərə yaxın mənbə məlumat verib.
"Ötən həftə "Mərkəzi Azəri" də daha iki quyu istsmara verilib, bunadək platformada üç quyu fəaliyyət göstərirdi. Hazırda platformada beş quyu fəaliyyət göstərir və bu beş quyudan sutkada təqribən 15 min ton neft hasil edilir", - deyə mənbə bildirib.
SOCAR (Azərbaycan Dövlət Neft Şirkəti) şirkətinin prezidenti Rövnəq Abdullayev əvvəllər bildirib ki, yanvar ayı ərzində "Mərkəzi Azəri" dəki platforma tam olaraqt fəaliyyətini bərpa edçcək.
"Azəri - Çıraq - Günəşli" yataqları blokunun işlənmə layihəsinin operatloru BP şirkətidir.
Bu gün "Azəri" - "Çıraq" - "Günəşli" yataqları blokunda neft hasilatı həcmi işlər dayandırılanadək əldə olunan sutkada təqribən 900 min barelə nisbətdə 700 min bareldən artıq təşkil edir.
"Azəri" - "Çıraq" - "Günəşli" yataqlarının işlənməsi üzrə operator BP sentyabrın 17 - də "Mərkəzi Azəri" yatağında neft hasilatını dayandırıb və yataqda quraşdırılan platforma personalını, dənizdə qaz aşkar olunduğundan, evokuasiya edib. Təhlükəsizlik məqsədilə, yatağın qərb hissəsində "Qərbi Azəri" platformasından da hasilat dayandırılıb. "Azəri" yatağının şərq hissəsində quraşdırılan platformada hasilat davam edir.
"Azəri - Çıraq - Günəşli" yatağında Bakı - Tbilisi - Ceyhan boru kəməri ilə ixrac olunan Azeri Light növlü neft hasil edilir.
Məqalə müəllifi ilə əlaqə ünvanı - [email protected]
