"KazMunayqaz" 2009 - cu ildə QXBS üzrə mühüm layihə sazişlərinə nail olmaq niyyətindədir
Qazaxıstan, Astana, 22 yanvar/ Trend , müxbir K.Konırova/
2009 - cu ildə "KazMunayqaz" (KMQ) Qazaxıstan Xəzər Boru Kəməri Sistemi üzrə bütün mühüm layihə sazişlərinə nail olmaq niyyətindədir. Bu barədə cümə axşamı Astanada şirkətin prezidenti Kairgəldi Kabıldin bildirib.
Onun sözlərinə görə, 2009-cu ildə şirkət neft ixracı ilə bağlı infrastruktur layihələrinin reallaşdırımasını davam etdirəcək.
Xəzər Boru Kəməri Konsorsiumunun genişləndirilməsi, Qərbi Qazaxıstan - Qərbi Çin neft kəmərinin tikintisinin başa çatdırılması, Qazaxıstanın milli təhlükəsizliyi üçün strateji əhəmiyyətli Beyneu - Bozou - Samsonovka daxili qaz kəmərinin tikintisi üzrə layihə cari ilin Investisiya Proqramına daxıl olub.
" Bu ilin qabaqcıl layihələri sırasında Atırauda inteqrallanmış qaz - kimya kompleksinin tikintisi də var", - deyə Kabıldin xatırladıb. Bu layihəyə yatırılacaq sərmayə həcmi 6,3 mlrd. dollar təşkil edəcək ki, onun 1,9 mlrd. dolları şirkətin şəxsi vəsaitləri hesabına düşür.
"Layihə - smeta sənədləşməsinin hazırlanması, bu layihə üçün infrastrukturun hazırlanmasına 2008 - ci ildə başlanıb, 2009 - cu ilin sonunda kompleksin tikintisinə başlanacaq", - deyə KMQ- nın rəhbəri bildirib.
Cari ildə reallaşdırılacaq daha bir layihə Atırau neft - kimya kompleksinin bazasında illik gücü 420 ton bitum olan yol bitumu istehsalı üzrə zavodun tikintisidir.
