...

ABŞ bundan sonra da Transxəzər layihələrini dəstəkləyəcək

Energetika Materials 28 Yanvar 2009 12:35 (UTC +04:00)

Qazaxıstan, Astana, 27 yanvar / Trend , müxbir K.Konırova/

"Prezident Barak Obamanın administrasiyası karbohidrogenlərin Mərkəzi Asiyadan alternativ marşrutlarla nəqli siyasətinin tərəfdarı olacaq", - çərşənbə günü Astanada, mətbuat konfransında ABŞ-ın Qazaxıstandakı səfiri Riçard Xouqland, Trend -ın xüsusi müxbirinin sualını cavablandırarkən deyib.

"Düşünürəm ki, bu suala birmənalı cavab vermək olar. ABŞ-ın uzunmüddətli siyasəti Mərkəzi Asiyadan karbohidrogenlərin çoxsaylı nəqli yollarının mövcudluğuna dəstək verir. Onlardan bəziləri şimala gedəcək, bəziləri qərbə, bəziləri də cənuba", - Xouqland bildirib.

Amerikan səfirin sözlərinə görə, bu siyasət Qazaxıstanın çoxvektorlu siyasəti ilə müəyyən formada üst-üstə düşür.

"Mən yetərli dərəcədə əminəm ki, prezident Barak Obamanın administrasiyası karbohidrogenlərin Mərkəzi Asiyadan alternativ marşrutlarla nəqli siyasətinin tərəfdarı olacaq. Bu, xammal istehsal edən şirkətlər də daxil olmaqla, bütün tərəflər üçün böyük iqtisadi gəlir deməkdir", - səfir vurğulayıb.

O hesab edir ki, Transxəzər layihələrinə də eyni yanaşma olacaq.

"Transxəzər layihələrinin tikintisinə dəstək ilk növbədə işin kommersiya tərəfinə əsaslanacaq. Siyasi məqsədlər isə böyük rol oynamayacaq", - diplomat əlavə edib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti