Gürcüstan, Tbilisi, 11 mart / Trend , müxbir N.Kirtsxaliya /
"Gürcüstan hökuməti mayda ölkədə qaz anbarının tikintisi haqda qərar qəbul edəcək. Hazırda anbarın tikintisinin iki variantı nəzərdən keçirilir, paralel olaraq isə texniki sənədləşmə aparılır", - Gürcüstanın neft və qaz korporasiyasından deyilib.
Layihənin hazırlanması 12 milyon dollara başa gələcək ki, bunun üçün maliyyə "Minilliyin çağırışı - Gürcüstan" fondundan ayrılacaq. Qaz anbarının Ninotsminda şəhərinin yaxınlığında tikiləcəyi gözlənilir.
300-400 milyon kubmetr qaz tutumu olan anbarın 2013-cü ildə tikilib başa çatdırılması planlaşdırılır.
Tikinti üçün lazım olan 150 milyon dollar Gürcüstan büdcəsindən ayrılacaq.
Məqalə müəllifi ilə əlaqə ünvanı: [email protected]