Azərbaycan, Bakı, 22 aprel / Trend /
Təsisçisi SOCAR olan (Azərbaycan Respublikası Dövlət Neft Şirkəti) Ekol Muhendislik Xidmetleri QSC şirkəti (mühəndis xidmətləri) və Vyetnamın Vimexco şirkəti Bakıda əməkdaşlıq haqqında protokol imzalayıb. Bu barədə QSC-nin çərşənbə günü yayılan məlumatında bildirilir. Tərəflər arasında protokol Vyetnam şirkətinin nümayəndə heyətinin Azərbaycana səfəri zamanı imzalanıb.
Həmçinin Vimexco ilə neft-qaz sahəsində ətraf mühtin mühafizəsi üzrə işlərin birgə təşkili çərçivəsində QSC-nin nümayəndə heyəti mayda Vyetnam Respublikasına səfər edəcək. Vyetnama səfər etmək dəvəti Vimexco şirkəti baş direktorunun köməkçisi tərəfindən gəlib.
2006-cı il martın 1-də Abşeron yarımadasında mövcud olan ekoloji problemlərin həlli üçün yaradılan Ekol Muhendislik Xidmetleri QSC-nin təsisçiləri bunlardır: SOCAR - 51 faiz və Lancer S.A. Services - 49 faiz.
